Der Schwammerlkönig
1.	Ab August is für mi de schönste Zeit,
	da is koa Schwammerl vor mir sicher weit und breit.
	Scho beim Morgengrau'n schliaf i ins Dickicht nei.
	Mei größte Angst is, da könnt' scho jemand sei.
	Ja,dann geht's los, a's Messa in da Hand.
	Mei Körberl is boid voi bis an den Rand.
	Wia i dahoam bin sagt mei Frau: 'Ah, san de sche!
	Mei liaba Mo,da muaßt glei nomoi geh!
Refr.:	I bin da Schwammerlkönig von da Au.
	Koana siagt wia i de Puizerl so genau.
	Vo meina Oma hab i die Leidnschaft.
	Wenn i durch'n Woid geh, des gibt ma wieda Kraft.
	Doch find i nix, a des passiert amoi,
	mach i mei Körberl mit Tannazapfa voi.
	Zwischenspiel
2.	Mei liabe Frau sag i, des brauchst ma net sag'n.
	Daß de andern abschneid'n, des schlagt auf'n Mag'n.
	Hoit mi net auf, i muaß glei wieda saus'n.
	Hoffentlich is net scho oana drauß'n!
	Und tatsächlich, i glaub mi trifft da Schlag.
	Ak'rat mei Nachbar, den i sowieso net mag.
	Des pack i net da kehr i liaba um!
	Hinta dem nachrenna? Na! Des is ma z' dumm!
Refr.:	I bin da Schwammerlkönig..........Tannazapfa voi.
	Steigerung
Refr.:	I bin da Schwammerlkönig von da Au.
	Koana siagt wia i de Puizerl so genau.
	Vo meina Oma hab i die Leidnschaft.
	Wenn i durch'n Woid geh, des gibt ma wieda Kraft.
	Doch find i nix, a des passiert amoi,
	mach i mei Körberl mit Tannazapfa voi.
	Bruckmühl, den 18.01.1995
	Copyright: Text u. Musik:Hans Widmann